Hykmete Bajrami ka paraqitur dorëheqje të parevokueshme nga funksioni i nënkryetares së Lidhjes Demokratike të Kosovës.
Ndërsa njëkohësisht ka kërkuar largimin edhe të kryetarit të partisë, Lumir Abdixhiku.
Kështu bëjnë të ditur burime të Insajderit nga brenda LDK-së.
Sipas këtyre burimeve, Bajrami e ka bërë publik vendimin e saj gjatë një takimi joformal të strukturave drejtuese të partisë, i cili është mbajtur të martën pasdite.
LDK në këto zgjedhje ka shënuar rënie të ndjeshme, me rreth 52 mijë vota më pak krahasuar me zgjedhjet e kaluara, duke humbur pesë ulëse në Kuvendin e Kosovës.
