Утре во Клубот на пратениците ќе се одржи клучна средба на политичките лидери, но столчето на најголемата опозициска партија СДСМ ќе остане празно.
Премиерот Христијан Мицкоски ги собра претседателите на парламентарните партии за да најдат заеднички јазик за важни државни прашања. Главните теми на маса ќе бидат:
-
Укинување на техничката (Пржинска) влада;
-
Реформи во правосудството и нови закони за обвинителството;
-
Измена на Изборниот законик;
-
Избор на нов народен правобранител.
Кој доаѓа, а кој не?
Иако Мицкоски повика на политичка зрелост и инклузивност, лидерот на СДСМ, Венко Филипче, веднаш ја одби поканата. Премиерот изрази жалење за ваквата одлука, нагласувајќи дека власта има мнозинство сама да ги донесе законите, но сакала да ги вклучи сите.
Од друга страна, Левицата потврди дека ќе присуствува, но со свој услов – бараат една изборна единица во замена за поддршка за укинување на техничката влада.
Кој друг ќе седне на масата?
-
Максим Димитриевски (ЗНАМ);
-
Биљал Касами (Вреди);
-
Беким Ќоку (Вреди);
-
Поддршка за дијалог дадоа и помалите партии како ЛДП и ДОМ.
Што е со ДУИ? Партијата на Али Ахмети денеска треба да пресече дали нивниот лидер ќе се појави на состанокот по консултациите во партиското раководство.
Целта на оваа средба е да се покаже дека државата е подготвена за реформи на патот кон ЕУ без политички сопки и непотребни технички пречки во владата.
