Црногорскиот премиер Дритан Абазовиќ тврди дека поранешниот полициски функционер Зоран Лазовиќ и бизнисменот Ранко Убовиќ, кои претходно ги идентификуваше како лица поврзани со шверц на кокаин и цигари, сакаат негова ликвидација!
Абазовиќ ова го изјави вчера откако поранешен полициски функционер и сопственик на компанијата „Бемакс“ поднеле тужба против него, барајќи отштета од по 21.000 евра за „повреда на личните права“. Причина за тужбата е тврдењето на премиерот на Црна Гора на 17 октомври годинава на седницата на Комисијата за безбедност и одбрана дека „шверцот со цигари го прават Убовиќ и Лазовиќ“.
„Тие шверцуваат и кокаин и ги финансираат изборите во Подгорица во последните 30 години“ – изјави тогаш Абазовиќ.
„За мене е голема чест и задоволство што го вперив прстот кон врвот на криминалната пирамида во Црна Гора и што удрив луѓе во стомакот. Немам проблем, се гледаме на суд. Јас никогаш не се правам жртва, но јасно е дека овие луѓе сакаат да го ликвидираат премиерот. Не сакаат 21.000 евра, не им требаат пари, само мртви усти не зборуваат. Но, тие беа премногу доцна. Предупредив: или тие први ќе дојдат кај мене или јас ќе дојдам кај нив. За нив е предоцна. Ако некогаш проработи раката на правдата, за тие луѓе е доцна# – рече Абазовиќ.
