Бислимоски за Студио 10: Причина за качување на сметките за струја е покривањето на загубите поради цената на струјата

news
Advertisement

Бислимоски за Студио 10: Причина за качување на сметките за струја е покривањето на загубите поради цената на струјата

Advertisement

Согласно нашиот Закон за енергерика, РКЕ има задача да донесе тарифен систем со кој ќе се подели мрежарината и потрошувачката на струја. Имаме тарифен систем за трошок на електрична енергија на кој се додава трошокот за мрежарината.

– Граѓаните забележуваат дека кај некои мрежарината е повисока отколку потрошувачката. ЕВН Хоум откупува струја од ЕСМ и факт е дека таа цена е субвенционирана од државата и е 48 евра за мегават час. Тоа е првиот дел од сметката. Вториот дел кој е повисок е мрежарината. Тоа е пренос, оперативни трошоци, покривање загуби во мрежата и амортизација. Загубите до годинава беа околу 30 отсто. Годинава ЕСМ ги продава загубите за 143 евра или околу 10 денари по киловат, а претходно биле околу 3-3,5 денари. Причина за качување на сметките е покривањето на загубите поради цената на струјата. Во останатиот дел РКЕ ги држи цените. Ако ЕСМ понудел цена од 56 евра, тогаш мрежарината би била пониска за околу 40 отсто отколку сега. ЕСМ се јави на тендер со 143 евра, вели Марко Бислимоски, претседател на Регулаторна комисија за енергетика и водни услуги (РКЕ) за Студио 10 на ТВ24.

Васко Ковачевски, директорот на ЕСМ, најави дека ќе има зголемување на цената на струјата по Нова година.

-Ковачевски треба да се грижи за загубите на неговата фирма. РКЕ цената на ЕСМ ја определуваше до 2014 година и беше 35-42 евра за мегават час. Оттогаш РКЕ не ја одредува цената. Ќе има тендер па ќе вдиме колку ќе биде цената. Ако РКЕ има забелешки, ќе донесе одлука да му се намали цената на универзалниот снабдувач. Во меѓувреме, треба да се набават енергенси како јаглен и мазут за да работат капацитетите и од тоа зависат производствените трошоци, вели Бислимоски.

Бислимовски вели дека просечната продажна цена на ЕСМ е 70 евра за мегават час, а сега дополително ќе се видат производните цени. Последните два месеца ЕСМ имаше производна цена од околу 68 евра. 

Според фјучерсите на берзите, цената на електричната енергија во последниот кквартал годинава ќе биде околу 580 евра по мегават час. Бислимоски вели дека ЕУ планира да воведе огранувувања на цената и тоа влијаеше врз берзанските цени.

-Нас ни е битно да имаме домашно призводство на струја над 4 милијарди мегавати. Исто е битно да се обезбеди поевтина струја од Бугарија, како и поевтин гас за ТЕ-ТО, – вели Бислимоски.

Бислимоски вели дека сметките се поделија на потрошувачка и мрежарина за да има поголема транспарентност. Тој вели дека споредбено со лани, просечно зголемување на цената на струјата е околу 7 отсто. РКЕ не ги признава загубите настанати поради кражба на струја и не ги признаваат трошоците за зголемување на бројот на вработени во компаниите, што за првпат било воведено лани за МЕПСО. 

– Ако ЕСМ не се јавеше на тендерите на Електродистрибуција, тогаш Електродистрибуција ќе набавуваше по берзански цени од над 500 евра наместо по 143 евра, вели Бислимоски и додава дека Електродистрибуција годинава има загуби од 61 отсто.

Бислимоски не сакаше да прецизира дали е точно дека по Нова година ќе има ново поскапување на струјата, туку рече дека тоа зависи од повеќе фактори кои ќе треба да бидат разгледани./24.mk/

Advertisement

Leave a Reply

Your email address will not be published.