Милиони корисници на Фејсбук беа прилично изненадени кога го отворија својот профил и погледнаа во ѕидот во средата наутро. Наместо објавите на нивните пријатели и страниците што ги следат, на ѕидот можеа да прочитаат еден куп објави кои други корисници ги објавиле на страниците на познати личности.
Проблемот е толку раширен што луѓето почнаа да се жалат на страницата што ја следи работата на интернет- страниците, DownDetector.И додека тамошните корисници се жалат дека нивните профили изгледаат како да се хакирани и дека не можат да видат ниту една „корисна“ објава, во Мета или Фејсбук нема одговор.
На официјалната страна која го следи „здравјето“ на платформата пишува дека нема познати проблеми.И како и секогаш кога има проблем со Фејсбук, корисниците се обратија до Твитер за одговори и да се пожалат на нивните проблеми. Некои објавија и како изгледаат нивните Фејсбук профили, што најдобро покажува колку е распространет проблемот.
И додека на некои не им се допаѓа тоа што познатите им го „презедоа“ ѕидот, други ја искористија можноста да шират некои не баш пристојни ставови и мислења.
Засега Фејсбук мудро молчи, а дали проблемот е во обичен баг или можеби Фејсбук е хакиран, сè уште не е познато.
