Како дел од активностите на Медитеранската конференција на ОБСЕ за 2022, којашто Северна Македонија, како актуелен претседавач со Групата на медитерански партнери за соработка на ОБСЕ, ја организира во Јордан, делегација предводена од Министерот за надворешни работи Бујар Османи, заедно со Министерот за надворешни работи на Полска, Збигњев Рау, и Генералната секретарка на ОБСЕ, Хелга Шмид, остварија средба со јорданскиот крал Абдула бин ел-Хусеин II, во кралската палата во Аман.
На средбата беше изразено задоволство од успешното одвивање на Медитеранската конференција во Јордан, како значаен мост за засилена соработка и комуникација меѓу земјите од Медитеранот и целиот европски континент.
„Виталноста во обезбедување на стабилност во медитеранскиот регион е од особена важност за Северна Македонија, како актуелен претседавач со Групата за соработка и иден претседавач на ОБСЕ за 2023 год. Во оваа насока, ќе бидат направени напори за зацврстување на врската помеѓу ОБСЕ и медитеранскиот регион, преку низа конкретни проекти, планирани активности и политики на зајакната соработка. Особено сум задоволен што оваа година, после седум години пауза, успеавме да ја вратиме медитеранската конференција овде во Јордан, како значаен придонес во закајнувањето на соработката меѓу регионите” истакна Османи.
Во фокусот на разговорите беа и останатите теми поврзани со безбедноста и современите предизвици, како и дел од темите поврзани со билатералните односите меѓу Северна Македонија и Јордан.
