Албанскиот премиер Еди Рама денеска изјави дека Албанија ќе ги брани привремените приштински институции доколку се исцрпат дипломатските опции и се употреби оружје, додавајќи дека се моли да не дојде до таква ситуација. Тој посочи дека Албанија е членка на НАТО, дека има посебен однос со Косово и дека „секој напад врз Косово е напад врз Албанија.
СВЕТ
Албанскиот премиер Еди Рама денеска изјави дека Албанија ќе ги брани привремените приштински институции доколку се исцрпат дипломатските опции и се употреби оружје, додавајќи дека се моли да не дојде до таква ситуација.
– Ако дојде до тоа, Албанија дефинитивно ќе застане на страната на Косово. Нема сомнеж дека Албанија застана, стои и ќе застане на страна на Косово во секој случај, дури и ако, не дај Боже, работите дојдат дотаму што веќе нема да се зборува за тоа, туку ќе се употреби оружје. Косово не е само и има стратешки сојузници без кои не би можело да постои како држава. Затоа мора да размислуваме за важноста на косовските сојузници – изјави Еди Рама за телевизијата АТВ.
Тој рече дека лидерите во Приштина и Тирана треба да размислуваат за иднината за да „станат поугледни“ на меѓународен план.
