Младите фудбалери од Камерун, но и од други африкански земји, повеќепати се обидуваа да го фалсификуваат датумот на раѓање за да можат да настапуваат за помладите селекции на африканските репрезентации.
Претседателот на Фудбалскиот сојуз на Камерун, Самуел Ето, најави суспензија на младите фудбалери на Камерун поради мамење и фалсификување.
„Мораме да ставиме крај на манипулациите кои со години го уништуваат угледот на камерунскиот фудбал“, изјави Ето.
Во 2017 година, Интернационалната федерација на фудбалски асоцијации (ФИФА) почна да го решава овој проблем. Контролниот процес го спроведуваат матичните фудбалски сојузи, додека тестовите ги прават со преглед на зглобовите на играчите со магнетна камера, за која експертите тврдат дека може со сигурност од 99% да ја одреди возраста.
