Управата за јавни приходи (УЈП) испрати итно известување до сите граѓани и фирми кои во изминатата 2025 година оствариле вкупен промет над 2.000.000 денари. Доколку сте го надминале овој праг, ваша законска обврска е да се регистрирате за ДДВ најдоцна до 15 јануари 2026 година.
На кого се однесува оваа обврска?
Ова не важи само за фирмите, туку и за физички лица кои остваруваат приходи од:
-
Изнајмување на деловен простор;
-
Менаџерски, правни, економски или инженерски услуги;
-
Занаетчиски услуги и приватни часови;
-
Продажба на сопствени земјоделски производи.
Важно кај пропорционалното пресметување: Доколку сте почнале со дејност на средина од годината, прометот се пресметува како да сте работеле цела година. На пример, ако од јули до декември сте наплаќале по 200.000 денари месечно, вие веќе го надминувате прагот бидејќи годишниот проектен износ е 2,4 милиони денари!
Што НЕ влегува во пресметката?
Не се грижете за приходите од:
-
Изнајмување стан за живеење;
-
Здравствени и осигурителни услуги;
-
Услуги извршени за странство (ИТ услуги, консултанти, адвокати кои работат со странски клиенти).
Како да се пријавите?
Пријавата ДДВ-01 можете да ја поднесете:
-
Електронски преку системот е-Даноци (задолжително со дигитален сертификат);
-
Лично во канцелариите на УЈП;
-
По пошта.
Можност за излез од системот (Одјава)
Доколку вашиот промет во последните години паднал под 2 милиони денари, а поминале најмалку 3 години откако сте во системот, можете да побарате отповикување на регистрацијата (образец ДДВ-01Б), исто така најдоцна до 15 јануари.
ПРЕДУПРЕДУВАЊЕ: УЈП врши строги контроли. Доколку се утврди дека не сте поднеле пријава, а сте имале обврска, или ако се открие даночно затајување, Управата може службено да ве регистрира или да изрече санкции.
