Коалицијата што ја предводи СДСМ ги достави листите за пратеници до ДИК

Коалицијата што ја предводи СДСМ прва ги достави листите за пратеници до Државната изборна комисија за парламентарните избори на 8 мај. Како што информираат од ДИК, доставени се листи за пратеници за сите шест изборни единици.
Рокот за доставување на изборните листи за пратеници истекува вечерва на полноќ, а денеска исто така се очекува ДИК да го заклучи Избирачкиот список и за претседателските и за парламентарните избори.
Собранието вчера донесе нови измени на Изборниот законик со кои политичките партии односно листите за пратеници ќе го имаат истиот број како и кандидатите за претседател за изборите на 24 април.