Ковачевски: Одговорност за случајот Онишченко по истрагата во АНБ

news
Advertisement

Премиерот Димитар Ковачевски најавува одговорност за пропустите за издавање на државјанството на прорускиот и контроверзен Украинец Онишченко. Ковачевски вели дека е изненаден и огорчен од фактот што граѓанин кој е на американската црна листа добил македонско државјанство. Опозицијата вели дека власта мора да одговара. Потпретседателот на ВМРО-ДПМНЕ Александар Николовски вели дека додека власта ја обвинува опозицијата дека е антиевропска, СДСМ и ДУИ соработувале со проруски бизнисмен.

Advertisement

Министерот за внатрешни работи, Оливер Спасовски, во последната изјава оцени дека случајот Онишченко го уништил кредибилитетот на државата и на Агенцијата за национална безбедност и дека партнерството со САД не дозволува вакви ситуации.

Директорот на АНБ Виктор Димовски вчера во Собранието потврди дека АНБ направила пропусти при издавањето на државјанство на осомничениот украински државјанин Олександар Онишченко. Димовски изјави дека пропустот го направил еден од раководителите на секторите./Alsat.mk

Advertisement

Leave a Reply

Your email address will not be published.