Сите во земјава добро знаеме дека постојат категорија на граѓани кои за да се затоплат во студените месеци, палат се и сешто, вклучувајќи и гуми од автомобили, со чие палење енормно го загадуваат воздухот.
Вчеравечер, градоначалникот на Струмица, Костадин Костадинов, на својот фејсбук профил, објави видео во кое на терен ги фаќа луѓето што палат гуми.
На видеото се гледаат маж и жена, а пред нив стои Костадинов заедно со полициски службеник.
„Имате една недела рок, ти утре да се пријавиш во институциите. Уште еднаш ако најдеме гуми ќе дојдеме заедно со началникот, заедно со командирот, заедно со инспекторите и нема да биде добро. Тие луѓе што живеат околу зградите не се должни да го дишат чадот од гумите. Семејните проблеми дома се решаваат и во институциите. Ете така и нема повеќе што муабет да правиме“, им рече тој на дивонаселените.
„Нема компромиси со несовесни дивонаселени жители кои загадуваат воздух и го нарушуваат мирот на Струмичани!
Заедно со началникот на СВР Струмица Кире Арапов, со командирот Горги Стојанов и локаните инспекции излеговме на терен и сериозно се спротивставуваме на некој кој мисли дека е над законот.
Во Струмица мора да има ред и поредок!“ напиша тој.
https://fb.watch/onI2fHA9Kc/?mibextid=Nif5oz
Извор: https://www.faktor.mk/kostadinov-se-iznervira-pa-pochna-da-im-se-zakanuva-na-dvajca-zagaduvachi-i-nema-shto-povekje-muabet-da-pravam?fbclid=IwAR3MLffheORRHphCkyKV7aoeg7oRfnwW3QalfbnR_UkB6sFrlRrUDkHe_bc
