Ние како политичка партија ќе застанеме зад оној кандидат за претседател кој ќе процениме дека е најдобар избор. Убеден сум дека кандидатот на СДСМ и коалицијата ќе ги добие идните претседателки избори, исто како што претходно ги доби Стево Пендаровски, рече пратеникот од СДСМ ,Ненад Коциќ во емисијата „Само Вистина“ на Канал 5 Телевизија.
Коциќ посочи дека изборот на претседател на држава треба да биде највисок демократски чин во една држава, без опструкции.
Ставот наш е сконцентриран за она што е најважно во државата, тоа е продолжување на евроинтегративниот процес, второ справување со кризите кои постојат во моментов и трето изборите односно да се договориме сите партии со консензус за датумот на нивно одржување. Нашиот став е во името на демократијата тие да бидат во редовен термин, рече пратеникот од СДСМ ,Ненад Коциќ во емисијата „Само Вистина“ на Канал 5 Телевизија.
Тој посочи дека коалицијата е стабилна, законите се гласаат, нема промени во однос на колегите ниту на Владата.
