Млада девојка тешко повредена – изгубила контрола над автомобилот и удрила во банкина

Синоќа се случила сообраќајна несреќа во струмичко, при што една 21-годишна девојка заработила тешки повреди.

– На 28.12.2022 во 20.00 часот во СВР Струмица било пријавено дека на регионален пат помеѓу селата Куклиш и Свидовица, струмичко, С.Ц.(21) од село Габрово, управувајки патничко возило „мерцедес“ со струмички регистарски ознаки, изгубила контрола и со возилото удрила во банкина. Во несреќата со тешки телесни повреди се здобила С.Ц., констатирани во Медицински центар Струмица, информира МВР.

Увид на местото извршила екипа на Полициска станица Струмица.