Албанецот Шенки Маслани од Македонија ја заинтригира јавноста поради необичниот начин на живот, пишува Б 92.
Инаку, познат е како Шенки Версаче, живее во луксуз, а на социјалните мрежи објавува фотографии од своето секојдневие. Тој е татко на три деца и дозволува тие да уживаат во богатството.
Луксузни возила, прескапи вили, скапа гардероба, кафуле – сето тоа е во негова сопственост. Но, тој е опседнат со марката Версаче. Од мебел, постелнина, гардероба преку подот па до ѕидовите, сите работи блескаат.
„Версаче бреднот го сакам од 2009 година. Поседувам куќа во Арачиново, близу Скопје и таа целата е во знакот на брендот Версаче. Облеката ми е од брендот Версаче. Ја набавувам во Италија и Белгија. И златото кое го имам е со жиг Версаче, а брендиран накит имам околу 5 килограми“, вели тој.
За парите, вели дека ги заработил со продажба на автомобили, затоа што со години има голем авто плац. Секој негов автомобил му е персонализиран, а на него има шари Версаче. Во родното место отворил кафуле, кое исто така е во знакот на Версаче. За себе вели дека нема класичен работен ден. Раскажа дека се буди во 12 часот, во 14 оди во своето кафуле, а алкохол не поднесува. Пред неколку години купил вила во Белград за 4 милиони евра. Вели дека шетал секаде по светот, но дека српските жени се најубави. Рече дека Србија е убава земја, сака да одмори, но и да прави журки какви Србите не виделе и затоа купил имот.
ИЗВОР. https://www.faktor.mk/najbogatiot-albanec-na-balkanot-e-od-makedonija-kupi-vila-od-4-milioni-dolari-vo-belgrad?fbclid=IwAR3j3IYP8FbufwVUaDLQe2eDVsQYOrgqJoVVThNR5td726_-fcVfpTRV8mw
