Слободната економска зона Тетово во сабота ќе биде домаќин на најголемата инвестиција досега. За прв пат на Балканот, голема автомобилска компанија ќе ја трансформира оваа област во лидер во производството. Станува збор за инвестиција на германската компанија за производство на електрични автомобили „е.Го“, сопственост на семејството Дестани.
Огромната инвестиција значи и стотици вработени за производство на веќе докажаниот успешен автомобил во Германија.
Во споредба со другите електрични автомобили, „e.Go“ има цена од 17 илјади евра, што го прави еден од најевтините електрични автомобили во светот и достапен за широките маси.
Капацитетот на овој автомобил е четири седишта и е дизајниран за лесно маневрирање низ градот. Според истражувањата направени од компанијата, патниците возат во просек од 30 до 40 километри дневно, па дошле до заклучок дека не е потребен капацитет на батерија од 300 или 400 километри, што би ја зголемило цената енормно.
„e.Go“ е паметно мултифункционално возило кое нуди удобност на клима уред, затоплување на предните седишта, греење на шофершајбната и помош при паркирање. Сите овие елементи на возилото не се дел од некој посебен пакет, туку се вклучени во основната цена.
Главен сопственик на „e.Go“ е холандскиот финансиски инвеститор ND Group.
Зад ова стои претприемачот од Тетово со живеалиште во Дизелдорф, Назиф Дестани, кој е и основач на компанијата Еколог. Според германските медиуми, други инвеститори во „e.Go“ се светски познати компании, како што се Пирели, поранешниот министер за финансии на САД Џон Сноу и австралискиот актер Хју Џекман. Автомобилот беше свечено пуштен во употреба оваа година во мај, а дел од инаугурацијата беше и познатиот фудбалер Нејмар.
ND Group, основана во 2008 година од Назиф Дестани, е приватна меѓународна компанија со седиште во Холандија со присуство во Обединетото Кралство, Германија, Обединетите Арапски Емирати и САД. Семејството Дестани е познато меѓу Албанците. Но, повеќе отколку за бизнис, тие се познати по уметност. Затоа, уметникот Блерим Дестани често добивал улога на бизнисмен. Но, не е така. Назиф Дестани е сопственик на НД Груп.
Тој е претежно премолчен и тивок бизнисмен. Првиот во бизнисот, но во јавноста само „братот на Блерим“.
Сепак, Назиф не започна се од нула. Сега е многу горд на својот татко Лазими, кој е активен од пред војната во Косово и Македонија. Покрај тоа, Лазими е познат и по неговиот придонес за Албанците и Ослободителната војска на Косово. Како примарен бизнис некогаш имало туристички агенции. Денес, опсегот е огромен, можеби дури и надвор од визијата на Лазим некогаш одамна.
