Михаел Шумахер (53) пред речиси 10 години доживеа несреќа на скијање и оттогаш не се опорави. На 29 декември 2013 година удри со глава во карпа, иако носел кацига, тоа не му помогнало. Сега, во првите денови од 2023 година, пристигнуваат нови, охрабрувачки информации.
Неговиот добар пријател и тимски колега од Ферари, Жан Тод (76) откри дека има причина за оптимизам откако повторно бил со него.
-Шуми се уште е дел од мојот живот. Често го посетувам, заедно гледаме телевизија. Тој е многу внимателен, со нас е и продолжува да се бори, рекол Тод, а пренесува германскиот портал “InTouch”.
Овие зборови секако даваат нова надеж во новата година…
За легендарниот германски возач низ годините имаше различни шпекулации, понекогаш добри, понекогаш лоши вести, но ниту една од нив не беше потврдена. Неговата сопруга Корина и семејството многу се грижат за тоа и доволно е да се каже дека од 2013 година по несреќата не се појавила ниту една фотографија од Шумахер. Сите се надеваат дека овие зборови на Тод ќе му дадат нова шанса на Шуми во најважната борба.
