Прескапи прехранбени производи, граѓаните велат: Дневно трошиме до 1000 денари

Инфлацијата и високите цени на прехранбените производи продолжуваат во Македонија. Граѓаните се жалат дека на пазар за основни потреби трошат најмалку од 500 до 1000 денари.

Министерот за економија, Крешник Бектеши, вели дека се прават анализи за тоа дали има потреба за мерки за спречување на инфлацијата.

За зголемувањето на цените, пред два дена вицепремиерот за економски прашања, Фатмир Битиќи, рече дека производителите не сакаат поскапувања, туку тоа го прават под притисок на трговците. Битиќи вети дека нема да молчи пред, како што рече, нефер комерцијални практики.