Прва трибина во рамки на кампањата „Ние сме Европа“

Првата трибина во рамки на кампањата „Ние сме Европа“, на тема „ЕУ за македонската економија”, ќе се одржи вечер во 19 часот, а обраќање ќе има и премиерот Димитар Ковачевски. Трибината ќе се одржи на плоштадот „Јадран“, кај Арапска куќа во Скопје, соопштија од владината прес-служба.

Покрај Ковачевски, на отворената трибина ќе говорат и Бојан Маричиќ, вицепремиер за европски прашања, Крешник Бектеши, министер за економија, Хозе Луиз Лозано Гарсија, амбасадор на Кралството Шпанија во земјава, Благица Петрески од Институтот за економски анализи Фајнанс тинк, како и Ирена Јакимовска од компанијата „Комфи Ангел“.