Приведена жената која нарачуваше по кафеани во име на општина Ѓорче Петров

Полицијата ја фати мистериозната Ивана која во име на општината Ѓорче Петров и градоначалникот Александар Стојкоски во изминатиот период се јавувала и појавувала во угостителски објекти при што нарачувала храна и пијалоци.

Според пријавеното, на 16.12.2022 во Полициската станица Ѓорче Петров бил извршен службен разговор со И.А.(36) од Скопје.

-Во разговорот таа го признала делото. По целосно документирање на случајот против неа ќе биде поднесена соодветна пријава, информираат од МВР.

Од општината пред три дена соопштија дека лицето по извршената нарачка барало фактурите за испорачаната услуга да гласат и да им бидат доставени на фирми кои соработуваат со Општина Ѓорче Петров.