Приведен маж од Скопје, со закана кон вработена одзел пари од обложувалница

Вчера (07.11.2023) полициски службеници од ЕВР Аеродром и Драчево го лишиле од слобода У.Ш. (31) од Скопје. Тој се сомничи дека непосредно претходно во спортска обложувалница на подрачјето на Центар, со закана кон вработената одзел пари. Кај него биле пронајдени пари за кои постои сомнение дека потекнуваат од кривично дело, по што У.Ш. е приведен во полициска станица. По преземени мерки и активности, тој се сомничи дека на подрачјето на Скопје извршил дополонителни пет кривични дела.

По целосно документирање на сите кривични дела од страна на ЕВР Центар и Бит Пазар, против сторителот до ОЈО Скопје ќе биде поднесена кривична пријава.

Извор: https://sitel.com.mk/priveden-mazh-od-skopje-so-zakana-kon-vrabotena-odzel-pari-od-oblozhuvalnica