Канадски турист доживеал несреќа на оддалечен пат на Хаваи, откако со изнајмен џип влетал во провалија длабока 20 метри.
Мажот (27), чие име не е објавено, најверојатно погрешно свртел и завршил во провалија. Испаднал од возилото и паднал во море.
Крајбрежната стража и пожарникарите биле испратени на местото на настанот. Нив ги повикале рибари кои ја виделе несреќата, пренесува ABC News.
Драмата се одвивала во неделата, во раните утрински часови, во областа Саут Поинт.
Очевидци велат дека џипот излетал од патот, а мажот испаднал од совозачката врата и завршил во морето. Спасувачите го пронашле на околу стотина метри од брегот.
Веднаш штом бил извлечен на брегот бил пренесен во болница, а лекарите констатирале исекотини и блага хипотермија.
Еден од рибарите рекол дека туристот имал голема среќа, а изнајмениот џип се превртел и се заглавил на карпите.
