Сопственик на хотел на Халкидики, Грција ги снимал своите клиенти во нивните соби со скриени камери. Според грчките медиуми на 30 септември, брачен пар кој престојувал во хотел во селото Касандра, Халкидики пријавил дека во собата пронашле скриена камера која ги снимала нивните интимни моменти.
Парот на 29 септември ја забележале скриената камера во штекерот и следниот ден го пријавиле сопственикот во полиција.
Во истрагата што ја спровеле властите, било откриено дека само во оваа соба биле снимени уште најмалку десет други парови, додека камерите биле во сите соби на сместувањето.
Полицијата го уапсила сопственикот на хотелот на Халкидики кој по изјавата во полициската управа Касандра е пуштен на слобода. Тој во сведочењето нагласи дека приватните моменти на станарите ги снимал за лична употреба.
