Министерот за внатрешни работи Оливер Спасовски рече дека податоците кои се изнесени според кои внукот ан Али АХмети се стекна со 39 отсто од сопственоста на трговскиот центар „Соравиа“ има простор да се направи проверка на финансиските текови. Тој ова го кажа во одговор на новинарско прашање сдали МВР ќе провери како Дрин Ахмети се стекна со 39 проценти од Соравиа.
„Ова се податоци и информации кои што даваат можност да се отвори постапка за проверка, пред се финансиските текови. Јавното обвинителство ќе може да отвори истрага и врз основа на тоа да задолжи надлежни институции за спроведување на законот и да се проверат сите овие факти и аргументи“, изјави Спасовски по конференцијата и дебатата за борбата против семејсното насилство. Тој рече дека мора да има одговорност за секој што постапил спротивно на законските, во одговор на прашањето дали ќе има некаква одговорност доколку се утврди незаконско работење.
„Мораме да бидеме сите еднакви и да нема селективност во делот на спроведувањето на правдата. Во однос на морална одговорност, тоа е работа на премиерот кој што оценува на кој што начин ќе се спроведат ваквите активности“, рече Спасовски.
