Спасовски се поздрави со колегите на последниот ден како министер

Министерот за внатрешни работи Оливер Спасовски денеска го одржа последниот колегиум за овој мандат во министерството и им се заблагодари на колегите за соработката.
„Вашата поддршка и соработка се крајно ценети и клучни за успешното функционирање на нашето Министерство и гарантирање на безбедноста на сите граѓани. Секоја успешно реализирана акција, секој решен предизвик и секој напор за подобрување на условите и процесите во Министерството за внатрешни работи се директен резултат на вашата ангажираност и посветеност“, порача Спасовски.
Во недела се очекува да биде изгласана техничката преодна влада на 100 дена пред парламентарните избори, аСпасовски ќе биде заменет од адвокатот Панче Тошковски, предлог на ВМРО-ДПМНЕ.