Столтенберг: Украина треба да добие пакет од три дела кои ќе ја приближат до НАТО

Сојузниците на НАТО ќе донесат „силна одлука“ за кандидатурата на Украина за членство и ќе потврдат дека земјата ќе влезе во Алијансата, изјави генералниот секретар Јенс Столтенберг на јавна трибина во рамките на самитот на НАТО во Вилнус.

„Убеден сум дека ќе донесеме силна и обединета одлука за Украина, и да ја задржиме и да ја зголемиме нашата поддршка. Убеден сум и… дека сојузниците ќе потврдат дека Украина ќе стане членка“, рече тој.