Блаже Петрески од страна на Владата минатата недла е именуван со одлука за почесен конзул на Бангладеш во Скопје. Неизвршниот директор на инвестицискиот ВФП Фонд Менаџмент Ад Скопје е последниот бизнис менаџер во низата кои ќе се стекне со привилегиите што ги носи ова дипломатско задолжение.
Истовремено е донесена одлука за прв пат Бангладеш да назначи свој козуларен претставник во Македонија. Претходно конзули станаа и Иван Петровиќ, сопственикот на Електроелемент, како претставник на Јужна Кореја. Сашо Наумовски и Живко Мукаетов, генералните директори на „Витаминка“ и „Алкалоид“ стнаа конзули на Норвешка и Украина. Албан Малиќи од „Гемак“ го претставува Мексико во Скопје. Конзул на Грузија е Дарко Гацов од „Сингулар“. Во Куманово конзул на Србија од 2021 е Владимир Стајиќ, сопственикот на „Супертрејд“. Енергетскиот магнат Кочо Анѓушев ја претставува Малта од 2021. Сопственикот на „Бис Оил“ и поранешен политичар Имер Селмани ја претставува Албанија на конзулско ниво во Битола.
Петрески поседува лиценца за осигурителен брокер издадена од Агенцијата за супервизија на осигурување. Посетувал многубројни специјализирани обуки и семинари во областа на менаџмент, осигурување. Од 2005 година е извршен директор во осигурително брокерско друштво ВФП АД скопје и е еден од најуспешните брокери. Од 2014 година е неизвршен директор во ВФП Фонд Менаџмент АД Скопје.
Извор: https://www.faktor.mk/ushte-eden-makedonski-biznis-menadzer-stana-konzul?fbclid=IwAR3WkckhD93Wn3t6PMBK4aNK-iFk4L3YzX4Vc2nB-03jzSBZQs0G3FX0T84
