ГУСТА МАГЛА И МРАЗ НИЗ МАКЕДОНИЈА: Апел за крајна внимателност во сообраќајот
Ова утро во поголемиот дел од државата се регистрира густа магла и значително намалена видливост, особено во котлините и долините, што сериозно ги отежнува сообраќајните услови.
Температурите се под нулата, а појавата на слана и мраз на коловозите дополнително го зголемува ризикот од сообраќајни незгоди. Метеоролозите апелираат до сите учесници во сообраќајот да бидат крајно внимателни, да ја намалат брзината и целосно да ја прилагодат возењето на условите на патот.
Според објаснувањата, ваквите временски појави се резултат на ведро и студено време со слаб или без ветер, што овозможува задржување на ладниот воздух и маглата во приземните слоеви.
Минимални температури под нулата
Од Управа за хидрометеоролошки работи информираат дека утрово до 7 часот се измерени минимални температури под нулата во поголемиот дел од земјата, а на одделни локации е забележана и дебела слана.
Надлежните советуваат возачите да одржуваат поголемо растојание меѓу возилата, да користат светла за магла и да избегнуваат нагли маневри, со цел да се намали ризикот од сообраќајни несреќи во вакви услови.
