Pas takimit, Abdixhiku deklaroi se gjatë diskutimeve nuk është prezantuar asnjë emër për postin e presidentit. Ai theksoi se e sheh të vështirë arritjen e një konsensusi, si brenda partive politike, ashtu edhe mes tyre.
“E shoh shumë të vështirë çështjen e konsensusit brenda partiak për këtë çështje. E shoh të vështirë edhe konsensusin mes palëve. Nuk ka ndonjë emër, nuk na është prezantuar asnjë emër. Nuk kishte as vullnet për konsensus. LDK nuk ka kandidat për president”, ka deklaruar Abdixhiku.
