Shkrimtari Salman Rushdie është vënë në një ventilator pas operacionit pasi u sulmua teksa po përgatitej për të mbajtur një leksion në Nju Jork. Agjenti i Rushdit tha se shkrimtari mbetet në spital me dëmtim të mëlçisë dhe nervave.
Policia ka identifikuar njeriun që dyshon se ka sulmuar Rushdin më 12 gusht. Bëhet fjalë për njëzet e katër vjeçarin Hadi Matar nga Nju Xhersi. Ai u arrestua në vendin e ngjarjes në Chautauqua, Nju Jork nga personeli i sigurisë.
Matar ende nuk është akuzuar; Policia u tha gazetarëve se ende nuk ka përcaktuar një motiv.
Andrew Wiley, agjenti i Rushdie, tha në një deklaratë se Rushdie kishte një operacion, një mëlçi të dëmtuar dhe nerva të prera në krahun e tij dhe ka të ngjarë të humbasë njërin sy.
I dyshuari hyri në skenë ndërsa Rushdie po prezantohej dhe sulmoi atë dhe moderatorin Henry Reese, tha Policia e Shtetit të Nju Jorkut në një deklaratë.
Libri i Rushdie, Vargjet Satanike, është i ndaluar në Iran, sepse shumë muslimanë e konsiderojnë atë blasfemi. Një vit pasi u publikua në vitin 1988, lideri iranian në atë kohë, Ayatollah Ruhollah Khomeini, lëshoi një fetva, domethënë një thirrje publike për vrasje me një shpërblim monetar.shkruan slobodnaveropa përcjell monitor.mk/
