Shtyhet vendimi për reciprocitetin me Serbinë sipas kërkesës së SHBA-ve

news

Qeveria e Kosovës ka reaguar lidhur me zhvillimet e fundit në veri të vendit.

Advertisement

Qeveria e Kosovës ka marrë vendim që të shtyjë zbatimin e reciprocitetit me Serbinë, që pritej të nis sonte në orët e mesnatës.

Nga Qeveria e Kosovës u tha se kryeministri Albin Kurti bashkë me presidenten e vendit, Vjosa Osmani pas kontakteve të zhvilluar me faktorët ndërkombëtarë kanë marrë vendim që të shtyhet zbatimi i dy vendimeve që lidhen me reciprocitetin .

“Kryeministri Kurti së bashku me Presidenten Osmani dhe zëvendës kryeministrat Bislimi e Gërvalla kanë zhvilluar kontakte e takime me faktorët ndërkombëtarë amerikanë dhe evropianë. Me këtë rast, Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës”, u tha nga Qeveria e Kosovës, transmeton lajmi.net.

Postimi i plotë:

Qeveria e Republikës së Kosovës dënon ashpër bllokimin e sotëm të rrugëve në veri të Kosovës dhe të shtënat nga njerëz të armatosur të strukturave ilegale atje. Bëhet fjalë për tendencë për destabilizimin e Kosovës dhe rrezikimin e paqes dhe sigurisë së qytetarëve dhe vendit tonë. Akte agresive të shumta ka pasur në pasditen dhe mbrëmjen e sontme të nxitura e të përgatitura nga Beogradi zyrtar.

Kryeministri Kurti së bashku me Presidenten Osmani dhe zëvendës kryeministrat Bislimi e Gërvalla kanë zhvilluar kontakte e takime me faktorët ndërkombëtarë amerikanë dhe evropianë. Me këtë rast, Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës.

Falenderojmë partnerët ndërkombëtarë, në veçanti ambasadorin amerikan Jeffrey Hovenier, për angazhimin dhe kontributin./Lajmi.net/

Advertisement

Leave a Reply

Your email address will not be published.