Duket se paqja mes modeles Ivana Knoll dhe autoriteteve të Katarit ka marrë fund. Ylli zakonisht shfaqet me disa veshje ekspozuese dhe kjo nuk u ka pëlqyer qytetarëve të vendit pritës të Kampionatit Botëror.Ivana Knoll është influencuesja dhe modelja e re, e cila është kthyer në senzacionin e momentit në rrjetet sociale për praninë e saj në Katar, pasi mori pjesë në ndeshje të shumta për të brohoritur për kombëtaren e vendit të saj në Kampionatin Botëror. Bukuroshja ka lindur në Gjermani, por është rritur në Kroaci dhe është ndjerë gjithmonë shumë e lidhur me kulturën e saj, kështu që ajo u bë një qytetare e natyralizuar menjëherë pasi u shpërngul.
Pas zhurmës së madhe, ajo duhej të dilte për t’iu përgjigjur njerëzve që e pyesnin për mirëqenien e saj, pasi masat e marra nga shteti i Gjirit Persik janë mjaft të vrazhda. “I gjithë vendi po flet. Të gjithë më njohin këtu dhe e pashë që më pranuan”, tha ajo. Por duket se paqja nuk zgjati shumë…
