На средбата меѓу лидерите на албанските политички партии во Македонија со премиерот на Албанија Еди Рама која се одржа синоќа во Тирана, лидерот на ДУИ, Али Ахмети, рекол дека Македонија и Албанија имаат заедничка иднина во Европската Унија, но дека тие се исправени и пред заеднички предизвици во овој период.
Ахмети по средбата изјави дека се разговарало и оти „мора да се спречи заминувањето на младите од Македонија и од Албанија во европските земји и оти стандардите на двете земји треба да се усогласат со оние на земјите од ЕУ“. Тој исто така рекол и дека „Без Албанците нема Северна Македонија“, пренесе Радио Слободна Европа.
Според Ахмети, средбата со премиерот Рама поминала „во позитивен и братски дух“.
„Иднината на двете земји е во ЕУ. Предизвиците со кои се соочуваат двете земји се заеднички. Оваа фаза е многу тешка“, изјави Ахмети по средбата.
Ахмети денеска во Тирана се сретна и со албанскиот претседател, Бајрам Бегај.
