Во земјава минатата година активно работеле 66 830 пазарноориентирани деловни субјекти, во областа на индустријата, градежништвото, трговијата и останатите услужни дејности, а оствариле вкупен промет од 2 056 948 милиони денари и додадена вредност од 388 623 милиони денари, соопшти Државниот завод за статистика.
Во земјава минатата година активно работеле 66 830 пазарноориентирани деловни субјекти, во областа на индустријата, градежништвото, трговијата и останатите услужни дејности, а оствариле вкупен промет од 2 056 948 милиони денари и додадена вредност од 388 623 милиони денари, соопшти Државниот завод за статистика.
Деловните субјекти ангажирале 435 468 вработени лица, за што издвоиле 196 552 милиони денари.
Најголем промет е реализиран од секторот Трговија на големо и на мало со 38.4 %, а по него следат секторот Преработувачка индустрија со 25.4 %, Снабдување со електрична енергија, гас, пареа и климатизација со 12.9 %, Градежништво со 5.6 % и секторот Транспорт и складирање со 5.1 %. Секторот на преработувачката индустрија има најголемо учество во вкупната додадена вредност со 25.4 %, следен од секторот Трговија на големо и на мало со 21.2 %.
Значително учество имаат секторот Информации и комуникации, кој создава 9.1 % и секторот Градежништво, кој создава 8.7 % од вкупната додадена вредност.
Во однос на големината на претпријатијата, доминираат микропретпријатијата со помалку од 10 вработени (91.2 %), најголемиот дел од нив се од областа на трговијата.
Со ангажирани 35.4 % од вкупно вработените, тие создале 22.9 % од вкупната додадена вредност. Големите претпријатија, со учество од само 0.2 % и со ангажирани 24.4 % од вработените, создаваат 31.4 % од вкупната додадена вредност во рамките на деловниот сектор, и тоа, главно, во секторот Преработувачка индустрија (12.0 %). Сепак, најголем е потенцијалот на малите и на средните претпријатија (со 10 до 249 вработени), кои ангажираа 40.2 % од вработените и создадоа 45.8 % од вкупната додадена вредност во деловниот сектор.
Извор: https://inovativnost.mk/2023/11/13/%D0%BD%D0%B0%D1%98%D0%B3%D0%BE%D0%BB%D0%B5%D0%BC-%D0%B4%D0%B5%D0%BB-%D0%BE%D0%B4-%D0%B1%D0%B8%D0%B7%D0%BD%D0%B8%D1%81%D0%B8%D1%82%D0%B5-%D0%B2%D0%BE-%D0%BC%D0%B0%D0%BA%D0%B5%D0%B4%D0%BE%D0%BD%D0%B8/
