Унгарската манекенка Барбара Палвин ги маѓепса сите со неодамнешното појавување на филмскиот фестивал во Венеција, а нејзината убавина, грациозност и професионалност се добро познати во светот на модата.
Барбара е родена на 8 октомври 1993 година во Будимпешта, а на 13-годишна возраст била откриена од моден извидник кога се шетала со нејзината мајка. Набрзо почнала да се појавува на насловните страници на списанијата како L’Officiel, Vogue, Marie Claire, Glamour, Ele, а на 16-годишна возраст станала заштитно лице на Loreal, а наскоро и заштитно лице на „Acqua di Gioia“ на луксузниот бренд Армани.
Нејзиниот пробив на модните писти се случи во 2010 година, кога самоуверено носеше парчиња од модната куќа Прада во Милано, а работеше и за Миу Миа, Нина Ричи, Емануел Унгаро, Кристофер Кејн, Вивиен Вествуд, како и за многу други.
Таа беше дел од ангелите на Викторија, а во 2016 година магазинот Максим ја прогласи за една од најатрактивните жени во светот, заземајќи го четвртото место:
„Кога имав 13 години, го гледав шоуто на Викторија Сикрет и реков: „Еден ден ќе бидам таму“. Три или четири години подоцна, ја снимив кампањата PINK за овој бренд. Сега се чувствувам како да сум предодредена да го работам ова. Ја добив понудата за Викторија Сикрет во вистинско време бидејќи сега конечно сум задоволна со себе и со своето тело“, изјави таа еднаш во интервју за магазинот People.
Често ја споредуваат со руската манекенка Наталија Водјанова, а дури и поранешната уредничка на британски „Вог“, Миранда Алмонд изјави: „Ја избравме Барбара, бидејќи има апсолутно извонреден изглед, нешто помеѓу младата Брук Шилдс и Наталија Водјанова“. Интересно, и самата Барбара изјавила дека Наталија и Кејт Мос и се омилени модели.
Што се однесува до приватниот живот, Унгарката ужива во љубовта со актерот Дилан Спраус, а нивното заедничко појавување во Венеција беше многу забележливо.
Пред Дилан, таа беше во врска со фудбалерот Нејмар, возачот на Формула 1 Луис Хамилтон, пејачот Ед Ширан, Џастин Бибер и вечниот ловец на модели Леонардо ди Каприо.
Прекрасната Унгарка за која СИТЕ ЗБОРУВААТ – Постигна завидна кариера, го ЗАВЕДЕ половина Холивуд ФОТО
Advertisement
Advertisement
Advertisement