СЛЕДЕТЕ ГИ УПАТСТВАТА НА ПОЛИЦИЈАТА Амбасадата на САД во Македонија издаде безбедносно известување поради дојавите за бомби

Амбасадата на Соединетите Американски Држави во земјава издаде безбедносно известување за граѓаните поради дојавите за бомби.На веб-страницата на Амбасадата на САД се апелира дека „доколку се најдете на локација на која има дојава за бомба, следете ги упатствата на лицата одговорни за безбедноста и полицијата”.

Во соопштението се наведува и дека поради потенцијално зголемен криминал за време на празничниот период и поради постојаната закана со бомби низ Северна Македонија, граѓаните треба да бидат свесни за околината и во однос на кражбите.