Сметки за греење повисоки за 40 отсто – Бислимовски: БЕГ да ги поништи и да изготви нови сметки

Корисниците на парно греење добиле повисоки сметки за 40%.

Претседателот на Регулаторната комисија за енергетика, Марко Бислимовски побара од БЕГ да ги поништи сите сметки кои ги доставил до потрошувачите.

Сега, откако на БЕГ му е одземена лиценцата, Бислимовски рече дека компанијата која ќе го преземе снабдувањето со топлинска енергија, е во комуникација со трговец на природен гас, за да го обезбеди овој реагенс за потребите на домаќинствата.

Бислимовски верува дека ќе биде обезбеден гас, додавајќи дека „ТЕТО“ има 60% пониска цена од топланите.