Тепачка“ за новогодишни пакетчиња имаше вечерва на плоштадот во Автокоманда на предпразничниот фестивал за деца што го организираше Општина Гази Баба.
Граѓани на социјалните мрежи реагираат дека заградениот простор во кој биле доделувани бесплатните подароци буквално се претворил во арена со нагмечувања и губење на воздух.
Поучени од минатата година, оваа беше одлучено да се загради просторот каде што се делеле пакетчињата, но стотици луѓе притискале од надвор во обидот да влезат.
Лани граѓани се жалеа дека нивните деца не ги добиле бесплатните пакетчиња, затоа што тие што дошле најпрво грабнувале по неколку.
Според програмата на општината, како и според она што го најави градоначалникот Боби Стевковски, секое присутно дете треба да добие предновогодишен подарок.
„Поделивме 3500 новогодишни пакетчиња, секое детенце кое беше вечерва на плоштадот во Автокоманда во својот дом си замина со пакетче“, информираше подоцна Стевковски.
