Новиот Општ колективен договор во јавниот сектор на кој се работи, ќе обезбеди поголеми права за работниците, а новата методологија ќе обезбеди постојан раст на платите на вработените, нагласи вечерва министерката за труд и социјална политика Јованка Тренчевска, истакнувајќи дека тоа ќе биде системско решение кое нема да зависи од ничија политичка волја.
Таа, во емисијата „Топ тема“ на телевизија Телма, информираше и дека новиот општ колективен договор за јавниот сектор ќе биде потпишан до крајот на годината.
Тренчевска потенцираше дека социјалниот дијалог со синдикатите е жив и оти тој продолжува. Таа додаде дека во рамки на тој дијалог се носат најдобрите решенија за работниците.
– Едно од првите решенија беа измените на законот за минимална плата. Во 2017 година минималната плата беше 9000 денари, денес е 18.000 денари. Тоа е двојно зголемен плати и двојно повисоки приходи за работниците, посочи министерката.
