Bilall Kasami telegram ngushëllimi për situatën në Turqi.

TELEGRAM NGUSHËLLIMI

Në emrin tim personal, të qytetarëve të Tetovës, si dhe në emrin e Lëvizjes BESA shpreh keqardhje në lidhje me shpërthimin që ka ndodhur në një minierë të qymyrit në rrethin Amasra të provincës veriore turke Bartın, ku si pasojë e saj humbën jetën mbi 40 punëtorë.

Shpreh ngushëllimet e mia për familjarët e personave të vdekur, njëkohësisht uroj shërim të shpejtë për personat e lënduar.

Jemi përkrah popullit turk në këto ditë të vështira për ta.