Dhimbje kockash, presion të lartë të gjakut dhe trishtim: Simptoma që ju mungon një vitaminë e rëndësishme

Vitamina D (e njohur si vitamina e diellit) ndihmon në forcimin e kockave dhe muskujve dhe mungesa e saj mund të çojë në probleme shëndetësore. Mungesa e vitaminës D është e lidhur me sëmundjet e zemrës, sëmundjet e zorrës së trashë, sëmundjet e prostatës dhe më shumë.
Shikoni disa nga simptomat kryesore të mungesës së vitaminës D që mund t’i keni anashkaluar.
Dhimbje muskujsh dhe kockash
Dhimbjet e vazhdueshme të këtij lloji janë një nga shenjat kryesore të mungesës së vitaminës D. Trupi juaj ndalon ndërtimin e masës kockore rreth moshës 30 vjeçare dhe mungesa e vitaminës D mund të përshpejtojë ose përkeqësojë simptomat e osteoporozës.
Shpesh ndiheni të trishtuar
Jeni vazhdimisht të trishtuar pa ndonjë arsye të veçantë? Depresioni dhe ndryshimet e humorit shpesh lidhen me mungesën e vitaminës D në trupin tuaj. Serotonina, hormoni përgjegjës për humorin, stimulohet në varësi të sasisë së vitaminës D. Shumë studime kanë treguar se rritja e ekspozimit ndaj diellit mund t’i bëjë njerëzit më të lumtur.
Sëmundja kronike e mishrave të dhëmbëve
Marrja e mjaftueshme e vitaminës D është gjithashtu e rëndësishme për shëndetin tuaj oral. Sëmundja periodontale është një gjendje kronike ku bakteret shkaktojnë fryrje dhe prishje të mishrave të dhëmbëve. Disa studime tregojnë për një rol të drejtpërdrejtë të dritës së diellit në reduktimin e rrezikut të sëmundjes periodontale.
Presioni i lartë i gjakut
Hipertensioni, i njohur gjithashtu si presioni i lartë i gjakut, është një tjetër shenjë se trupi juaj ka mungesë të vitaminës D. Hulumtimet tregojnë se ekziston një lidhje midis vitaminës D dhe hipertensionit.
Lodhje dhe përgjumje
Nëse ndiheni të lodhur pa arsye, atëherë mund të jetë për shkak se trupi juaj është më pak i ekspozuar ndaj rrezeve të diellit dhe burimeve të tjera të vitaminës D. Hulumtimet kanë lidhur mungesën e vitaminës D me sindromën e lodhjes kronike. Nivelet e ulëta të vitaminës D në trup do t’ju bëjnë të ndiheni letargjik. Kjo simptomë është veçanërisht e theksuar tek të moshuarit.
Luhatje humori
Siç u përmend më herët, receptorët e vitaminës D gjenden në shumë pjesë të trurit që ndikojnë në disponimin dhe emocionet tuaja. Hulumtimet tregojnë se mungesa e vitaminës D është e lidhur ngushtë me sëmundjet mendore si stresi, ankthi dhe depresioni.
Pesha e tepërt
Hulumtimet tregojnë se mungesa e vitaminës D lidhet me zhvillimin e obezitetit dhe rrit rrezikun e komplikimeve të lidhura me obezitetin. Vitamina D ndihmon pacientët obezë të humbin peshë. Nëse i keni shtuar kilogramët e tepërt shpejt, edhe nëse ushtroheni rregullisht dhe përmbaheni nga ngrënia e tepërt, mungesa e vitaminës D mund të jetë një nga arsyet kryesore.
Probleme me tretjen
Mungesa e vitaminës D mund të ndikojë në problemet e tretjes. Vitamina e diellit ndihmon sistemin tuaj të tretjes të thithë yndyrën siç duhet. Mungesa e vitaminës D mund të çojë në probleme të shumta të zorrëve si intoleranca e glutenit, sëmundjet inflamatore të zorrëve dhe sëmundja e Crohn.
Alergjitë
Hulumtimet tregojnë se mungesa e vitaminës D gjithashtu luan një rol në zhvillimin e shumë reaksioneve alergjike. Vitamina D luan një rol të rëndësishëm në ruajtjen e shumë alergjive duke rregulluar sistemin imunitar. Disa nga alergjitë që lidhen me këto situata përfshijnë astmën, alergjitë ushqimore, ekzemën, rinitin alergjik dhe anafilaksinë.