Moti sot do të jetë me diell me vranësira të vogla deri në mesatare. Do të fryjë erë mesatare nga drejtimi veriperëndimor. Temperaturat minimale do të lëvizin nga 13 deri në 19, ndërsa maksimalet do të lëvizin nga 22 deri në 29 gradë. Indeksi UV do të jetë gjashtë.
Në Shkup do të mbajë mot me diell me vranësira mesatare dhe me erë mesatare veriperëndimore. Temperatura minimale do të jetë rreth 16, ndërsa ajo maksimale do të arrijë në 26 gradë.
Meterologët njoftojnë se moti do të stabilizohet sot, ndërsa të dielën kah fundi i ditës dhe gjatë natës të hënën do të jetë i paqëndrueshëm me reshje të rrëmbyeshme lokale, bubullima dhe erë të fortë. Në pjesët juglindore proceset do të jenë më intensive në formë stuhie afatshkurtër. Paraditen e së hënës do të ketë reshje lokale shiu, e më pas moti do të jetë kryesisht stabil me rritje graduale të temperaturës ditore.
