Prishtina Weather ka njoftuar për motin që pritet të mbajë në vend sot dhe gjatë fundjavës. Sipas PW-së, në fundjavë priten edhe reshje bore në viset malore.
Ditëve të ardhshme po parashihet të kemi mot më jostabil. Do të ketë më shumë vransira, e kohëpaskohe edhe të reshura shiu, që vende-vende mund të jenë paksa më intenzive. Në fundjavë viseve malore priten edhe të reshura bore.
17.11 – Reshjet e shiut vazhdojnë lokalisht edhe orëve të mëngjesit. Ditën do të ketë intervale me diell por edhe vransira.
18.11 – Orëve të mëngjesit mjegull përgjatë ultësirave. Ditën kryesisht me vransira, e më vonë gjatë mbrëmjes priten edhe të reshura shiu.
19.11 – Kryesisht me vransira. Kohëpaskohe priten edhe reshje të dobëta shiu, që orëve të mbrëmjes edhe mund të jenë paksa më intenzive lokalisht.
20.11 – Kryesisht me vransira dhe reshje të dobëta shiu kohëpaskohe. Në vise malore vonë në mbrëmje priten edhe reshje bore.
Temperaturat minimale luhaten ndërmjet 5C e 9C, e ato maksimale zbresin edhe në 12C e 14C ditëve të fundjavës, e të hënën deri në 8C.
Fillimisht frynë erë e lehtë dhe mesatare nga jugperëndimi 3-8m/s, e në fundjavë nga verilindja.
Shtypja atmosferike me tendencë të rënies edhe thellë nën vlera normale. /Periskopi/
